محمد جميل صبري

الخامس والعشرون.

2012-01-21T04:55:00.001+02:00

يسقط يسقط حكم العسكر

احنا الشعب الخط الاحمر

احنا شباب عايزين حرية

مش عايزين مصر تتأخر

ولع ولع يا مشير

اضرب فينا مش هنطير

اعمل فيها وحش كاسر اعمل فيها حتى امير

هنفضحكم انتا وجيشك من مرتزقة ومن صراصير

لو فاكرين ان الجيش نايم فببشركوا الوضع خطير

مش كله في الجيش زيكم عالسلطة كلاب مساعير

لو كنتوا اخدتوا الاخوان والنور يبقى اخدتوا فطير

اقتل واسحل فينا كمان .. ولا أقولك في المليان

مهو عندكوا احنا مش ناس, شايفين اننا دبان

لكن الشعب مسيره يفوق والحقيقة مسيرها تبان

وفي وشكم دا هيثور ولا جيش يحمي ولا بيبان

يا جيش مصر اصحى وفوق متضربش في الميدان

يا مفتري انتا وهوا انتا القاضي والسجّان

انتا القاتل والمختل, انتا درع للجبان

للبنات كشوفات عذرية وكمان السحل هان

يعني شرفنا وعرضنا في الشارع ينفع يتهان؟؟!

اصحى وفوق انتا وهوا وصلونا للأمان

مش تسيبوهم يولعوا ويحرقوا في القرآن

دا ربنا ميرضاش بالظلم حتى يا جدعان

وانتا يا اخ منك له, عاجبك يعني الحال الآن

قاعد في بيتك وسايب جسم بناتنا هناك يبان

كل اللي انتا فالح فيه "على وضع مصر قلقان"

وبتشتم في الثوار وانتا مش عارف مين اللي خان

منزلتش شوفت ولا مره ولا حتى سألت انسان

كل اللي انتا شايفه صح, فيموتوا كمان وكمان

يا اخي اصحى وفوق استرجل, ولا انتا بقيت نسوان

حتى النسوان بقوا رجاله, وانتا في بيتك عامل تعبان

اصحى وفوق منك له قبل ما ترجع ايام زمان

ونلاقي ديكتاتور تاني ونشوف مالعذاب الوان

دانتا مصري ارفع راسك وانزل يلا عالميدان

The LasT

2009-11-12T02:10:00.003+02:00

Suddenly I woke up, my body is shaking, sweaty and hardly breathing. Terrible sadness weighs over my chest. Looks like a bad dream. My mother always told me not to over eat before sleeping, as she says it causes nightmares.

I wiped my face with my hand to shake off sleep. I was surprised by the warm tears running down my cheeks. I jumped off my bed to look at my face in the mirror. It was distressed and my eyes were colored by the color of blood.
I hoped for GOD’s grace while trying to recall that bad dream. I wasn’t used to crying, but why was I crying in my sleep. As hard as I tried to remember, as fast as it slips away from my mind.
I tried to forget that atmosphere and sat at my computer’s screen. But the desire to watch any movies or even play any game as usual escaped me. For I always like to start my day with an action movie or a suspenseful episode from some show. But nothing could take away that distress or sadness. I logged on to my messenger. Since it is always a good idea to get out of reality and escape my troubles. Sadly it didn’t work.

I decided that I should go out with a friend. They say going out is always useful in states of desperation. I searched for a fresh jeans and an ironed shirt in the corners of my room. Yet I found none. I don’t even know why my clothes are everywhere but in the closet. At long last I found a jeans in barely a good state and a t-shirt that hasn’t yet moulded. I dressed up quickly trying to run away from that horrible mood, though we are still at the start of winter.
I started to think about my life while slackly walking down the street. Remembering my friend’s words about carelessness which is causing my life to go down the drain.

I remember my mother’s sad words and her prayer for me to get better. My father’s scowls “carelessness is the cause of your failure. Take care… It will change your life”

I draw a cigarette from the exported pack that almost eats away half my allowance. I light it up enjoying the smoke as it cleans up my mind from the terrifying thoughts. I start to feel a little better as I walk a little slower, remembering my uncle’s words “If you want to change, don’t cast your problems on life. Change your way of living”.

I never understood how someone can change his daily life to the opposite, I never changed. A driver cursing my existence when he almost over run as I carelessly cross the street. What a lame life. Noises almost melting my brains out… Traffic jam… Screams… Troubled faces…

That is what I see on my path. Life that lost all its colours. People that lost interest in life. In my head I hear a calm voice mingling with a new famous rock song. I try to listen to that voice. But the loud sound of the song overcomes anything else.

I sway with the lyrics that I know by heart. I take a look on my dear cigarettes, where one only remains. I put it in my mouth. Searching my pocket to find money for the next pack, while crossing the streets. Still my conversation with my dearest friend goes on my mind.
“Smoke will kill you one day. Have mercy on yourself. Didn’t the doctor prevent you from ever smoking?”
I reply with the same answer. We will all die. I can’t just quite it. I don’t have that power of will. I can give up food but can’t give smoking up.
Ha! Found it. 5 L.E., all what I had. Exactly what a pack is worth. Not too many steps separate me from the supermarket, which sits beside it on the pavement an old woman selling some vegetables worn out by the sun.

I crossed the first lane and stood their waiting for the chance to cross the second. This was the exact opposite to the first one. Then I found a girl standing beside me, carrying a little dirty bottle with water in it. She probably filled it from the cooler on the other side. Her clothes were worn out. A look of misery swept over her face. She was an innocent child to the extreme. A cry for help appeared on her eyes. I looked at the 5 L.E. … The girl’s face… My smoke that I haven’t yet lit up. But there was no competition. She can go to hell for all I care. I won’t give up my smokes. Even if she cried blood. I repeat the lyrics of the song as the distorted sound in my head fade to a whisper. I started to cross the road suddenly after finding a gap, evading the first car, while barely making from the second which the driver almost ran over my toes. I looked the other side. A lady tries to get up screaming at me. I was surprised and…

I took a turn to the other direction to find the little girl starting to cross the road. With another glance on the lady I understood everything. She was her daughter, bringing her some water from the other side of the road.

A car came down the street with a speed beyond what the limits. Towards the little girl. At this point, time froze. Remembering my nightmare as crystal as if that wall preventing me from remembering has melted down. I remember a beautiful little girl. She was my daughter. With my carelessness I let her die. I remembered the tears raining on my face like the winter’s rain. The song’s sound stopped in my head. Then a Qur’an verse rose in my mind. “””GOD never changes people until they change themselves first”””

I grabbed hard on the little girls’ hands trying to evade the car that almost squished me. The sound of squealing tires rose in the atmosphere. Deafening the ears. Her face was distressed but she was fine. She was shaking like a wet sparrow in the winter’s night. But she was alive. Her tears running down her face meeting my own. My body shock violently as her mother hugged her. A gathering of some people was around us. Some of them curse the careless drivers, clapping their hands. Others patting me on the back and encouraging the woman saying “She is sound”

The mother looked at me saying some mixed words with tears. But from her look I knew they were words of thanks for what I did. I crossed the street hastily thanking GOD for his mercy. I stopped for sometime before the supermarket. A smile came over my face as I was looking to the little girl. She was smiling back at me while grasping the 5 L.E.

My smile grew bigger as I take a look at my last smoke and threw it away continuing on my path.

Mohamed Gameel.
Cairo – Egypt

Translated by :
Mohamed Magdy

the match :)

2009-05-27T16:56:00.001+03:00

المان وبرشلونه, اللي يعرفني يعرف اني مش مجنون كورة, بس مباراة على المستوى دا لازم الواحد يشوفها حتى لو بكره في امتحان, الدنيا كلها مستنيه تشوف ابداع الفريقين وخصوصًا ميسّي و رونالدو, يا رب مانشستر يكسب..

انا متوقع انه ينتهي 2/1 للمان ان شاء الله..

قولو يا رب..

--------------

حلوة الحياة جدًا لما تلاقي هدف وتكافح عشانه..

--------------

امتحانات عليها اللعنة..

اجرائات جنائية عشان التنفيذ الجبري على التشريعات الضريبية في القانون المدني والدولي الخاص..

--------------

حلوة الحياة جدًا لما تجرب تعيشها, وتستمتع بيها…

-------------

حد شاف فيلم تيرمنيتور سالفيشن, الله يخرب بيتك يا كريستيان بيل بجد نفسي اشوفه.. الجدع دا مقضيها افلام معديه هو وهيو جاكمان " نفسي اشوف وولفلرين كمان" جاكمان في حفلة الاوسكار اللي فاتت كان تحفه ابداعية.. خصوصًا بعد استراليا.. للي مشافوش.. شوفوه..

-------------

حلوة الحياة لما يكون في ups and downs ..

------------

هنعمل ايه يا حكومة؟

2009-01-09T04:59:00.002+02:00

قد يرى البعض أني مخطئًا في الاستشهاد بما قاله الرئيس فيما يحدث الآن في فلسطين, ولكنه قد قال كلمة حق, "كفاكم استخفافًا بمقدرات وارواح ابنائها" ابناء شعب, ابناء دولة ستتحرر في يوم ما, وما سيحدث ان كل هؤلاء, كل من ماتوا غدرًا, سينتقم لهم شعب عانى نصف قرن ومازال يعاني..

يحذر من هذا الجميع, يحذر الجميع من ردود افعال ليست فلسطينية فقط, وانما عربية واسلامية, ردود افعال لأشخاص لم يعد بأيديهم شيئًا ليفعلوه وهم يروا الظلم مستشريًا متوغلا في النفوس, وهم يتابعون مئات يقتلون بدون وجه حق, مئات الأبرياء, منهم الاطفال ومنهم النساء.

بمعدل قتل لا يقل عن الخمسون شخصًا, تقتل اسرائيل يوميًا العشرات, تُسيل دماء عربية فلسطينية على أرض عربية فلسطينية, ولا يتحرك شخص لنجدتهم, لست أدعي اني العبقري الذي اكتشف حلا للأزمة الفلسطينية.

ولكني كمواطن مصري اطالب اولي الأمر, حكومتنا ان تخبرنا ما يمكننا ان نفعله بعيدًا عن الشعارات والندائات, وجه الرئيس مبارك كلمته للشعب كي لا يحاول احدهم استغلال الموقف الراهن في النيل من مصر, وطالبنا بالتماسك والتكاتف وهو ما سيحدث, ولكننا نريد حلا, نريد موقفًا, وليست حملات تبرعات او اعلانات او اغاني او جعجعات سواء كانت صحفية او تليفزيونية او حتى كذلك الذي اكتبه الآن.

نريد ما يجعلنا نفخر بموقف في مواجهة الاعتداء على الدم البريء, ولا نريد حربًا تهدم ما بُني في عشرات السنين, لا نريد حربًا, نريد موقفًا.

نيكولاس مادورو, وزير خارجية فنزويلا خرج منذ ايام يعلن طرد السفير الاسرائيلي تعقيبًا على الأحداث الدامية التي صرّح رئيس فنزويلا اوجو تشافيز بأنها مجزرة وان الجيش الاسرائيلي جبان يهاجم العزّل والأبرياء.

هنعمل ايه يا حكووومة, قوليلنا الله لا يسيئك, هنعمل ايه وانتي ساكته والناس بتموت, هنقول مقاطعة وهنقول تبرعات, طول عمرنا بنقول وبنعمل, بس عشان منضحكش على بعض, ملايين العالم مش هتعوض ام عن ابنها اللي مات, ولا اخ عن اخته اللي اتقتلت.

هنستنى لحد ما نقترح وقف اطلاق النيران ويمكن حد في اسرائيل بالصدفة يشوف الاقتراح في التليفزيون ويوافق عليه مثلا, ولا هنستنى, ماهم كدا كدا مش هيستمروا للأبد والفلسطينين مش هيخلصوا.

زمان ايام الفراعنة كان في قانون, يمكن تبع مجموعة حامورابي القانونية, بينص على ان اللي يشوف حد بيموت قدامه, وميحاولش يساعده, يموت زيه, الفراعنه كانوا جامدين اه دا شيء واضح, في البداية كنت بستنكر قانون زي دا, بس الوقتي, ومع اللي بيحصل, اتمنى ان القانون دا يتطبق دوليًا..

خلاصة الكلام في اني مستني, منتظر, بتمنى ان يكون لينا حركة سياسية حقيقية في مواجهة اسرائيل الدمار, ليس مجرد مجموعة من الاقتراحات, نحن قوة سياسية وعسكرية لا يستهان بها, بعض الشدة في التعامل مع المجزرة لن يدمر مصرنا الرائعة, ولن يضعنا في حالة حرب, وان كنت مخطيء, فلم لا نرى تصريح بالصح اللي المفترض يتعمل...

هنعمل ايه يا حكووومة ؟؟

Where am I going ?

2008-12-27T11:10:00.002+02:00

بالفعل أرى اكوام من السعادة, تذهب بلا عودة, عارف لما تحس انك غبي, لأ مش بس غبي, لما تحس انك غبي جدًا بكتير ولمدة كبيرة جدًا..

لو حاسس بدا او حسيت بيه من قبل يبقى

Join the club

متقلقش مفيش شروط للعضوية الا الغباء المدقع

انك تضيع سنه من عمرك دي مصيبه

بس انك تضيع سنه من عمرك مع حد ميستحقش دي ام المصايب

ويمكن ابوها كمان

يخرب بيت الحب وسنينه يا جدع

***

احساس اني بقع في البئر العميق

لو مش قادر تتخيله ممكن تتفرج على فيلم

The Ring

هتعرف انا قصدي ايه

بس البئر دا من غير البت للأسف مفيش مؤثرات صوت ولا رعب

في ضوء في الآخر فتحة بسيطة

بتحاول تطلع

وبتعمل كل اللي عندك لكن الطحالب مش راضيه

بتقولك انتا مينفعش تطلع انتا مكانك هنا

تحت

من غير نووووور

***

iHate

yup, this is my feeling

now I really can say thanks, I hate you

no more need 4 someone like you

at least almost you know

Have a NICE LIFE without me J

***

فرينج

المسلسل دا شكله جامد

فعلا شوية من اكس فايلز على شوية حاجات تانيه

عمومًا انا جيه جيه آبرامز كفاية عندي اني اتابع

لو حبيت اي من حلقات اكس فايلز في يوم مالأيام

في الغالب هتحب المسلسل دا

***

العيال معتز وبوند اعياد ميلادهم كانوا الاسبوع اللي فات دا

انا بجد فرحان بوجود العيال دي في حياتي

الحمد لله اني ليا حد اقدر اعتمد عليه واتسند عليه قبل ما اقع

كل سنه وانتوا طيبين يا عيال عقبال ما نحتفل باعياد ميلاد عيلاكم ان شاء الله

***

الامتحانات على الأبواب

اقصد على الأبواب والشبابيك والحيطان وبتتسرب وتتوغل وكدا

في الحقيقة ظروفي وجواباتي مش لذيذه السنه دي

بفكر اكمل فشل وانفض السنه دي كمان قشطه

عارف عارف

هيتقالي ايه اللي انتا بتعمله دا ودا غلط واهم حاجه والكلام دا

بس صدقوني

انا على قد ما اقدر بكون عملي في الموضوع دا

مادام هدخل معملش حاجه

يبقى مدخلش اصلا

***

يلا سي يو ان بضع ساعاتٍ ضوئية

قررت اخلي البلوج .. بلوج

2008-12-25T08:17:00.001+02:00

تقولي يعني هوا كان مخبز قبل كدا, اقولك لأ, يا ريت دا كان بتنجان خالص

في الحقيقة, انا بشعرة, ساعة تروح وساعة تيجي

لأ حقيقي في البلوج

ساعات بكتب عشان حاجه اجتماعية المفروض تتكتب

ساعات بكتب عشان مش لاقي اي حاجه تانيه احسن تتعمل

ساعات بكتب عشان شايف ان في حاجه لازم اقولها للناس لازم ناس كتير تعرف انها حصلت او بتحصل

ساعات بكتب عشان الناس تقولي كويس وجميل واستمر

وساعات بكتب عشان انا نفسي اقول لنفسي كويس وجميل واستمر

كل دا حلو ولذيذ وكله كوم

واني ساعات بكتب بقى عشان لازم اكتب كوم تاني

بكتب عشان مش قادر اعمل اي حاجه غير اني اكتب

وفي الغالب, على الأغلب بيكون اللي بكتبه في الحالة الخاصة التالته دي مش كويس ومش جميل ومش استمر خالص..

بيكون كلام مختلف

بيكون كلام عن حاجات بحبها

عن لحظات عشتها

عن بتنجانه عجبتني او شوكة سمكه عورتني

مالآخر

عني انا

كلام ميهمش اي مخلوق تاني انه يقراه في الغالب

كنت بحب اكتب الكلام دا

على فترات متباعده

كل ما بحب اكتب

في أجنده زرقا كدا من اللي بتبعتهم القوات المسلحة لبابا وانا بقفشهم كعادتي الرائعة لجبي في اقتناء الاجندات

حد من صحابي قالي قبل كدا انتا المفروض بلوجك يعبر عنك

بتحب ايه

بتكره ايه

بتاكل ايه

كدا يعني

طبعًا انا كعادتي نفضت

كأني يعني هبقى صحفي عن طريق البلوج

بس الوقتي

وبعد اكتشافي ان الاجندة ضاعت

بعدما قلبت غرفتي المقلوبة اصلا وملقيتهاش

حسيت قد ايه انا ضاع مني

كانت الاجندة دي فيها اهم لحظات سنين فاتت

والوقتي شكرًا

اللي خلاني احط الاجنده البني اللي فيها اجمل كلمات صحابي ليا في الست سنين اللي فاتو في شنطتى السامسونايت واخبيها في الدولاب

اصلي مينفعش اضيع دي كمان

عمومًا

كل الكلام دا عشان اقول ان المدونة دي هتبقى محمد جميل بقى

يعني ارائي الشخصية

يعني شكلي

يعني انا

مش شوية مقالات وكلام اجتماعي وقصتين كتبتهم بالغلط

وطبعًا دا بس تنويه عشان اللي مش هيعجبهم التغيير الدراماتيكي في المدونة الي هتصبح حر شوية بعد اضافة بعض الحميمية للكلام

اللي مش هيعجبهم التغيير هقولكم على راي الاخوة السعوديين حياكم الله

بس متنسوش تقفلوا الشباك وراكم وحياة ابوكم

اما الاتنين التلاته اللي ممكن يكملوا

قشطه عليكم

والتحيات الكتير

احترم نفسك ولا احترمي نفسك

2008-12-16T02:13:00.004+02:00

يقول البعض ان السبب في التحرش اساسًا هو ما ترتديه الفتايات

اختلافًا مع حملة احترم نفسك التي اطلقتها مجلة كلمتنا, جائت تحت الكوبري المجلة الاليكترونية لتواجهها بحملة اخرى ( احترمي نفسك ) معاكسة في الاتجاه, الحملة الجديدة التي ترفع شعار ( احترمي نفسك وانا احترم نفسي ) يبدو وانها قد جائت كصيحة يريد الآف الشباب اطلاقها اعتراضًا على الفتن التي يرونها يوميًا, اعتراضًا على الـ ( محزق ) والـ ( ملزق ) الذي تصر كثير من الفتايات على ارتدائه بشكل يثير غرائز الشباب المحروم والذي يواجه رغبات اقوى من البشر في الكثير من الأحيان..

احترمي نفسك تأتي في وقت اصبحت التحرشات بالفتايات, قضية تثير الرأي العام فجأه, بعد سنوات عدة من التجاهل واللامبالاة وبعد قانون جديد وعقوبات جديدة للمتحرشين, القضية التي تشير الى مدى الخراب الذي وصل اليه المجتمع في كل النواحي, الخراب والدمار الاخلاقي الذي وصل الى اهم اسس مجتمعنا الشرقي المحافظ, لا يمكنني ان القي اللوم كاملا على الشباب فهناك اسباب عدة تصل بهم الى التحرش, ولا يمكنني القائه ايضًا على فتايات يردن الحرية في ما يرتدون, فالقانون يكفل تلك الحرية, كما يكفل للشاب حرية النظر وان كانت تلك هي سبب المصائب, ولكنني القي باللوم ايضًا على وضع شعبنا المتدني, عن خطط التنمية التي لا تتناسب نهائيًا مع اعدادنا, على الغلاء الفاحش الذي يجعل التفكير في الزواج قبل الثلاثين كفرًا, وعلى ظروف تجعل البعض لا يحلم في ملامسة امرأة في حياته.

القي باللوم الاساسي على الشباب بالطبع, فأين الاخلاق واين المروءة والـ ( جدعنة ) اين شهامة ابن البلد, واين غض البصر, اذهبت تلك الأشياء بلا عودة ؟

القي باللوم على اسرة لا يقوم عائلها بمتابعة ابنائه الشباب, ولا يتابع خلقهم ولا يعرف اصدقائهم الذين هم في الغالب سبب المصائب, على ام لا تربي ابنها على ان يكون رجلا يحمي شرف فتاة قبل ان ينتهك, وابنة تصد نظرات الشباب القذرة برداء يستر ما يثيرهم.

القي باللوم على تربية وتعليم لا هم لها الا التعليم ( وسلملي عالتعليم وحياتك ), بدون وضع اساس للخلق الحميد مشاركة مع البيت.

القي باللوم على مخرجوا الكليبات والأفلام والاعلانات التي تمتلأ بالمشاهد المثيرة, اقول لهم ارحموا الشباب حرام عليكم..

اختلف في الرأي شخصيًا مع حملة احترمي نفسك, في ما تقوله من حق الشباب في معاكسة الفتاة التي لا تحترم نفسها, بلى معهم في حقهم في مطالبة الفتاة باحترام نفسها, ولكن مهما فعلت الفتاة .. فلا يعطي هذا الحق في التحرش بها.

الموضوع مفتوح للنقاش, انتظر ارائكم.

الأخيرة

2008-10-07T21:35:00.002+02:00

استَيقظت فجأة..
والعرق يغمرني, جسدي يهتز إنفعالًا وأنفاسي تتلاحق..
أشعُر بحزن عميق يجثُم على صدري, يبدو أنه كان كابوسًا سيئًا ..
طالما حذرتني أمي من الإكثار في الطعام الدسم قبل النوم, فهو على حد قولها يسبب الكوابيس !!
مسحتُ وجهي بيديَّ لأُزيل آثار النوم, ففاجأني وجود تلك الدموع الساخنة التي كانت تنساب على وجنتيّ .. قفزتُ من سريري لأطالع وجهي في المرآة فأجده ممتقعًا وعيناي بلون الدم
إستعذت بالله من الشيطان وأنا أحاول أن أسترجع هذا الكابوس, لم أعتد البكاء, فما بالي وبكائي كان في نومي, وكلما كدت أتذكر هذا الكابوس, يفلت مني كالزئبق
لذا فقد تناسيت هذا الجو وجلست مواجهًا لشاشة الحاسب الآلي, لكني لم أجد الرغبة في اللعب أو مشاهدة الأفلام الأجنبية كعادتي كل صباح, حيث تكون (( الإصطباحة )) بفيلم حركي.. أو حلقة من مسلسل مثير لكني لم أجد ما يمكن أن يشغل بالي عن هذا الحزن الدفين, أدخل على برامج للمحادثة فهي واحدة من أهم مصادر الخروج عن الواقع والإبتعاد عما يضايقني..لكن هذا لم يفلح أيضًا
قررت أن أذهب لصديق لي فالخروج يفيد في حالات الكآبة
بحثت عن قميص مكوي و بنطال نظيف في أنحاء غرفتي فلم أجد .. لا أدري لِمَّ تتواجد ملابسي في كل مكان إلا الدولاب
وجدت ( تي-شيرت ) جيد وبنطال جينز لم تطلهما العفونة
إرتديت ملابسي على عجل محاولاً الهروب من هذا الجو الخانق.. مع أننا لا نزال في مطلع الشتاء
أفكر في حياتي و أنا أطوى الطريق بخطوات متباطئة نوعًا, في كلام صديقي عن اللامبالاة التي تتسبب في نزولي إلى الدرك الأسفل من الحياة
أتذكر كلمات أمي الحزينة ودعواتها لي بالهداية, وصيحة أبي في
- فشلك من إهمالك, بطَّل إهمال .. هيبعد الفشل عن طريقك..
أسحب سيجارة من العلبة المستوردة التي تلتهم نصف راتبي شهريًا وأُشعلها مستمتعًا بالدُخان الذي يدخل لينظف مخي من شوائب الفكر المقلقة..
أشعر ببعض الراحة مع أثر الدخان وتتباطئ خطواتي أكثر مع تردد كلمات عمي الحانية:
- عايز تتغير, متعلقش حاجه على شماعة الحياة, غير جلدك..
لم أفهم في يوم كيف يغير الشخص تصرفاته التي إعتادها ليصبح على النقيض,و لم أستطع التغيُّر..
سائق يسبني بعدما كاد يصدمني وأنا أعبر الطريق بلامبالاة غير شاعر بما حولي..
يالها من حياة خانقة..
الضجيج, يكاد أن يخترق مخي ويذيبه..
زحام
صراخ..
وجوه متجهمة..
هذا ما أقابله في طريقي, حياة فقدت ألوانها.. وبشر فقدوا شعورهم بالحياة..
في رأسي أسمعُ صدى لصوتٍ هادئ يختلط بأغنيةٍ حديثة لأحدِ فرق الروك الشهيرة, أحاول تبين هذا الصوت لكن الأغنية الصاخبة تطغى على باقي الأصوات..
فأندمِج معها وأهُز رأسي مع الألحان التي أحفظها عن ظهر قلب.. وأُلقي نظرة على سجائري العزيزة التي لم يتبقَ منها إلا واحدة.. أضعها في فمي.. وأعبر الطريق متجهًا نحو أقرب بائعٍ للسجائر، وأنا أعبث في جيوبي علّي أجد ثمن علبة سجائري العزيزة القادمة، بينما حديثي الدائم مع صديقي الأعز يتردد في مُخيَّلتي:
- هتموت بالدخان في يوم من الأيام.. يا أخي إرحم نفسك..مش الدكتور منعك من السجاير!!
لأرد عليه بأن الموت حق على الجميع, وأني لا أقدر على تركها.. لا أمتلك تلك الإرادة.. وأني قد أتخلى عن الطعام في يوم ولا أتخلى عن التدخين..
أبتسم عندما أجد ورقة بخمس جنيهات ( هي ثمن علبة السجائر بالضبط )..
خطوات قليلة تفصلني عن المحل المنشود, تجلس بجواره عجوز تفترش الرصيف بخضروات قليلة جففتها الشمس..
عبرت الضفة الأولى من الطريق ووقفت منتظرًا الفرصة لعبور الأخرى، والتي كانت على عكس الاولى (( سالكة )) المرور تنطلق بها السيارات بسرعة لأجد تلك الفتاة تقف بجانبي حاملة زجاجة قذرة صغيرة بها ماء من مبرد في الجهة الأخرى وقد إرتسمت على وجهها علامات البؤس وملابسها المهترئة تفصح عن حالها..
كانت طفلة لأقصى حد, تشع من عيناها برائة لامتناهية, ونظرة إستجداء واضحة,طالعت ورقتي المالية.. ووجه الصغيرة.. والسيجارة التي لم أشعلها بعد. فلم تصمد في المنافسة..
لتذهب إلى الجحيم.. أنا لن أتخلى عن سجائري، ولو بكت دموعها دمًا..
أردد الأغنية ويضعف الصوت الهادئ المشوش في رأسي إلى همسات, وأنا أهم بعبور الطريق فجأه بعدما وجدت ثغرة يمكنني إستغلالها في العبور متفاديًا ذوات الأربع إطارات..فتفاديت سيارة ووقفت لأخرى مسرعة كاد سائقها الأرعن أن يدهس أصابعي..و أنظر للجهة المقابلة لأجد سيدة تحاول القيام من فرشتها وهي تصرخ في إتجاهي..
تعجبت منها, و ..
حانت مني إلتفاتة للخلف لأجد الفتاة الصغيرة تبدأ رحلة العبور.. ومع نظرتي الثانية للسيدة فهمت كل شيء.. هي إبنتها.. كانت تحضر لها الماء من الناحية الأخرى..
وها هي سيارة أخرى تنهب الطريق نهبًا وتنطلق بسرعة أكثر بكثير من السرعة المقررة للسير داخل المدن..وتتجه نحوها..
نحو الفتاة..
لحظتها..
توقف الزمن..وأنا أذكر كابوسي بكل وضوح وكأنما إنهار ذلك السد الذي كان يمنعني من التذكر..
عن فتاة صغيرة جميلة..
هي ابنتي..
تسببت بإهمالي في موتها..
تذكرت دموعي التي إنهمرت كأمطار الشتاء حزنًا عليها..
و..
صمت صوت الأغنية من عقلي تمامًا ليعلو الصوت الهاديء لآية قرآنية..

(( إن الله لا يغير ما بقومٍ حتى يغيروا ما بأنفسهم ))

قبضت على ذراع الفتاة بقوة وأنا أحاول تفادي السيارة التي كادت أن تحولني إلى عجين وصرير الإطارات التي تحاول التشبث بالأسفلت يكاد أن يصم آذاني..
كانت ممتقعة الوجه.. لكنها بخير..
كانت ترتجف كعصفور مبلل في ليل بارد.. لكنها حية..
كانت دموعها تسيل من الخوف.. تقابلها دموعي..
إرتجف جسدي إنفعالًا وأمها تحتضنها مع تجمهر البعض حولنا وبعضهم يسب ويلعن السائقين المتهورين وهو يضرب كفًا بكف.. والبعض الآخر يربت على ظهري أو يشجع الأم قائلًا:
- جت سليمة..
تنظر الأم لي وكلامها المقترن بالبكاء لايكاد يبين شيئًا لكني عرفت من نظرتها أنها كلمات شكر لما فعلته, عبرت الشارع بسرعه وانا أحمد الله على ستره.. وتوقفت للحظة أمام محل السجائر وإبتسمت وانا أنظر للفتاة التي بادلتني الابتسام وهي تقبض على الجنيهات الخمس..
اتسعت ابتسامتي و أنا أنظر لسيجارتي الأخيرة ثم ألقيها وأتابع مسيرتي..

عن المسحوق والارض الصلبة وعن ابراهيم معايا او مش معايا

2008-09-29T16:26:00.003+02:00

وهو -الناقد- قد يبرع في التذاكي, فيقول, وقد ارتفع حاجباه: عندما تأملت, وفكرت في العنوان الذي استخدمه الكاتب وجدته مناسبًا للغاية
جزء من مقال المسحوق والأرض الصلبة 1 ( ايوه فيه واحد وليه جزء تاني وتالت كمان زي لورد اوف ذا رينجز كدا ) وهو مقال موجود في كتاب الصديق العزيز ( هوا شكله هيقطع معايا بعد الكلام الي هكتبه دا اصلا ) ابراهيم عادل
وبالنسبة للأخوة المدونين هوا ابراهيم معايا ودا لينك مدونته كمان

عن المسحوق والأرض الصلبة

عن مسحوق ايه .. متعرفش يمكن اريال او برسيل
ارض صلبة ايه متفهمش تقريبًا ارض عز الدخــ .. ولا بلاش
المهم ان ابراهيم طلع كتاب يا رداله وكان لازم الواحد يقتني الكتاب دا اللي انتظرناه من كتير
بداية اتكلم عن الغلاف, للأسف معجبنيش تمامًا, حسيت انه يخنق شوية مش بيريح العين, وان كنت اعتقد ان دا في مصلحة الكتاب ايضًا لأنه يصبح لافتًا للنظر. ولكن عمومًا الغلاف يحمل جملة لابن مالك" كلامنا لفظ مفيد كاستقم" والمزيد من الشخابيط الخلفية التي لا توحي بشيء معين واعتقد ايضًا ان هذا مقصود لأن الكتاب لا يتكلم عن شيء محدد بعينه بل يبحر بك كسفينة تمشي بين المواني بالانتقال الآني, لا تعرف ما القادم الا وانت فيه

وفي مقدمة خنيقة جدًا بتحاول تقنعك بانك متقراش الكتاب لأنك على حد قول الكاتب مش هتخسر كتير لو مقريتوش لكن في المقدمة كلمتين في الجون .. " ما ليس لدي شك فيه انك واجد نفسك هنا ولو في كلمة, ولو في سطر" وهي جملة لن تصدقها الى ان تراها

كتاب متنوع للغاية يحمل بين طياته نصوص ومقالات وكلام وبطيخ وشعر ونثر ومكنتش هتفاجيء لو لاقيت قطه بتجري ورا فار جوا, ابراهيم تعمّد تمامًا الا يمكن تصنيف الكتاب ولا يمكن نقده نقدًا صريحًا. فقط هوا عامة مجموعة من اعمال ادبية اغلبها يشعرك بالتلقائية وبعضها سيضحكك وبعضها ستجد فيه حكم جميلة ستفهمها بعد عناء لأن ابراهيم مش بيدي المعلومة بسهولة

هو واحد من قدامى المغامير وان لم تكن قد سمعت بهم فهم مجموعة ادبية لها وزنها, ولقلمه قيمة ادبية وثقل, الكتاب يدور في فلك القلم بشكل أو بآخر, يتكلم عن الكتابة نفسها وعن أشياء تهم كل من يمسك القلم, يعدك بفكرة او اثنتان قد تخرج بهمها من الكتاب وبعض المتعة المشوبة بفائدة

هذا غير انه يترك لك مساحة للفوضى ومساحة اكبر للعبث في كتابه وهذا دليل على ان عادل كريم ويتوقع الكثير من قراءه

ننتظر من ابراهيم عادل كتابًا آخر قريبًا ان شاء الله, كتابًا موجهًا اكثر, به بالطبع افتكاسات مثل هذا الكتاب وان كنت افضل ان ارى مجموعة قصصية كاملة او نصوص مترابطة اكثر في القادم

قال ايه واجب تدويني

2008-09-24T05:44:00.002+02:00

واجب تدويني عباره عن سؤال جالي من عند الاخت ايمان صاحبة مدونة صمت المكان صخب الكلام

وانا اللي كنت فاكر الواجبات خلصت مع المدرسة

س : اذكر 6 أسرار قد لا يكتشفها من يقابلك أول مرة ؟

1. اني لست بذلك الذكاء.

2. اني مش شايف نفسي.

3. اني مش مثقف.

4. اني بحب الناس واللمه.

5. اني مالعمرانية.

6. اني ... انا !

وللأسف يجب ان اوجه هذا الواجب لستة من البشر ( دواعي الغتاته )

ونقول :

- عماد باشا حجاب

- دا فنـ شي فنان فقير

وبس كدا كفاية اوي..

يا رافعين راس البلد فوووووق

2008-09-24T05:14:00.004+02:00

فكرني الخبر دا في موقع مصراوي باللي كنت بشوفه زمان كتير في المواني المصرية

كنت بسافر كل سنه مرتين السعودية, وكانت ايام ما يعلم بيها الا ربنا, اه بتخنقني معاملة السعوديين لينا المصريين, وان كان معاهم حق في مقابل الغوغاء اللي بتبقى مسافره ليهم, وانا مش بتكلم عن العمال ولا المعدمين لأ انا بتكلم عن المصريين كلهم سواء مستوى عالي ولا .. واطي

المهم انا كلامي عن اللي كنت بشوفه في المواني والجمارك سواء السعودية ولا المصرية من معامله سيئة, ولكن على قد ما المعامله السيئة حاجه, لكن اللي فعلا رهيب ويرعب, انك تلاقي ظابط الجمارك في جمرك مهم زي السويس وهوا بياخد الرشوة جوا البسبور عشان يعدي البضاعة المتهربة, بل والأسوأ اني في مرة شوفت ظابط .. تخيلوا ظابط جمارك, بياخد علبة لبان من الراجل بحجة انه معاه علبتين, والغلبان التاني قاله متغلاش عليك يا باشا واداله علبه مصاصات ولا بنبوني كمان

والمصيبة الأكبر لما اشوف ظابط تاني, والله على ما اقوله شهيد, بيقع من شنطة مواطن كيس اسود, يقوم الظابط زاقه برجله ورا الكاونتر والراجل مش ملاحظ, تخيلوا وصلت لأيه..

ليه وصلت حالت امننا والرجالة الي بيحموا البلد دي للدرجة دي, هل فعلا الفلوس بقت اهم حاجه عندهم

طيب لو في نسبه كويسه, هل هي فعلا قليلة للدرجة دي

وايه الحل في المصيبة اللي احنا فيها دي

يا خوفي لا يجي اليوم اللي نبقى ماشيين خايفين مالامن مش مالحرامية

يا رب رحمتك

رباعيات

2008-09-11T08:05:00.007+02:00

الرباعية الاولى لجاهين بالطبع

منتاش بتلعب ليه يا روح بابا ؟
و لا عسكري و لا لص في عصابه

العب اسد أو ديب رهيب او غزال
دي الدنيا في نهاية المطاف غابه..

غابه و الوحش فيها هوا الملك
يا بقوة تهجم يا بسرعه تتهلك
الخوف غريزه و الضعيف فريسه
وعشان تعيش لازم تكون حرك.. وعجبي

عجبي على زمان قاسي.. غدار
حتى الفرح فيه بقى بمقدار
و الحزن ما في شيء بيوقفه
و لا يفرق عنده اسد من حمار

الحب كلمه من زمان اتبخرت
القلب مات ولا المشاعر اتصحرت
و لما الناس نسيوا المعاني
.. بقيت الكلمه لوحدها تعاني فاتكسّرت

وعجبي

تجديد

2008-09-09T06:26:00.003+02:00

انه عالمي
جددت البلوج وانا عايز اجدد حياتي كلها
عايز اغير كل اللي فيها
لاقيت البلوج اسود مع ان اخر تلات اخبار فيه بيضا وتفرح
قمت قلت اقلبه ابيض
واقلب حياتي ابيض
ومرجعهاش اسود تاني
كفاية اسود بقى
كفاية استسلام بقى

بلى هو عالمي الجديد
سأضع به قواعد لا تهتز, بأن الأمل موجود مادمت حيًا
بأن الاصلاح قادم حتى ولو لم نره على مرمى البصر
بان التغيير بيدنا وان القادم افضل, رغم أنف كل من يقول ان القادم اسود اسود اسود ..

سأحاول ان اغير, قد يكون لي اثر احيانًا وقد لا يذكر هذا الاثر
ولكني سأصرخ بحريتي عبر مدونتي واصيح بألا مزيد من الدويقة والحرائق والقطارات والعبارات والفساد المستشري في كياننا
وسأتمسك بالأبيض أملا في غد افضل سننشأه بأيدينا باذن الله تعالى

عن مرور القانون الجديد

2008-09-06T22:34:00.003+02:00

في هذا القانون الجديد, المليء بالتهديد والوعيد
وقال ايه هيخلي كل مواطن مبسوط وسعيد
نجد غرامات وفلوس وحبس أكيد
ونجد ما لم نراه عند قريب او بعيد

من حبس لاستخدام المزمار بدون اسباب كالحمار
او غرامة لأنك لا تملك حقيبة الاسعاف الجبار
او لأنك نسيت رخصتك فتذهب الى السجن بكل وقار
وبالتأكيد ممنوع الأكل او التدخين او انك تعمل في العربية زار

تناسى اصحاب القانون الجديد ما معنى التغيير
وان التغيير المفاجيء لن يأتي الا بالوبال على شعبنا الخطير
الذي لن يفتأ أن يتفنن في الاختراع والتحوير
لحد ما يوصل لمرحلة مفيش مخالفات مالوزير للغفير

مهو كلو محصل بعضو وكلو بيعدي
وقبل اي لجنه كلو بيهدي
ومالآخر عندنا مصيبه تجيب ومصيبه تودي
والوقتي اللي عنده عربيه اقوله انا على رجليا منتاش قدي

الباب اللي يجيلك منه الكمين
سيبه خالص وادخل يمين
والا هيقفشك الظابط ويعملك عجين
ولا كأنه داخل معركة حطين

المهم ان الحزام لازم كله يلبسه
واللي في بقه كلام يسكت ويدفسه
والا هيلاقي مخبر على اقرب بوكس يرفسه
ويحزن عليه اهله وباقي عمره يتعسه

قانون جديد وكل قانون وانتوا طيبين
وعلى اللي ملوش لازمه متجمعين
وعلى اللي ليه لازمه منفضين ومش فاضيين
بكره يجيلكم قانون يقول محدش يركب عربية شاهين

ولا يحطلك اتنين لتر بنزين 80 على بطاقة التموين
ويقولك بعد كدا مفيش الا خمسه وتسعين
ربنا يخليلنا احلى ناس بتطلع احسن قوانين
قولوا امييييين يا رب العالمين

خطبة الصديق حسام دياب

2008-08-31T05:11:00.006+02:00

تقريبًا البلوج بقى حوارات اجتماعية بس

انا بفكر نقفل وخلاص

الصديق العزيز اوي

والكاتب المستخبي اوي

والأخ اللي بيسافر كتير اوي

دا غير انه بينفض كتير اوي ( مش اكتر مني طبعًا )

حسام بيه دياب حبيب قلبي

فاجئنا باروع خبر واحلى عزومة على خطوبته يوم الجمعة

وهناك كانت ليله روعة

ودي جيه روعه

وسندوشتات كبده ومسقعه وبتنجان وباباغنوج .... احم ..لا مش اوي كدا

المهم يعني انها كانت ليله روعه بالعيال خصوصا مسبار الروايات محمد غرارة الي جاه مخصوص من ليبيا عشان ياكل سنـ .. عشان يحضر الخطوبة

مبروووووووووك يا حس

وعقبال جوازك يا رب كدا وفرحتنا بيك وبالعيال بتوعك ان شاء الله

عقد قران أستاذ محمد سامي

2008-08-31T04:57:00.004+02:00

يا رب كتر افراحنا

تم عقد قران أستاذ محمد سامي منذ ايام قليلة وكانت ليلة رائعة بالفعل

وعقبال ما نشوف اولادك يا سامي يا رب

محمد سامي الكاتب والناشر والصديق والأخ والمدير في نفس الوقت بجد فرحنا بيه كلنا

وبرضو عشان اخونا الكبير فاحنا بنجرب فيه

مبروووووك يا باشا

وفاة دكتور عبد الوهاب المسيري

2008-07-03T12:52:00.001+03:00

الله يرحمك يا دكتور
توفي الى رحمة الله دكتور عبد الوهاب المسيري
مش هتكلم كتير
دا لينك موقعه :
http://www.elmessiri.com/

دا لينك البيوجرافي على ويكيبيديا:
http://ar.wikipedia.org/wiki/Ø¹Ø¨Ø¯_Ø§ÙÙÙØ§Ø¨_Ø§ÙÙØ³ÙØ±Ù

الله يرحمه..

مبروك عليك يا ايهاب

2008-06-22T08:46:00.004+03:00

ابارك لصاحبي وصديقي واخي والكاتب والصحفي اللي خلاص بقى مش مغمور وبدأ نجمه اللامع يظهر للجميع ايهاب عمر الصديق وزميل القلم ومنتدى روايات والأخ الرائع الذي قلما نجد مثله..

ابارك له على ايجاد رفيقة العمر ربنا يتمم لهم بخير
ابارك له على كتب الكتاب الجميل اللي حضرته ولفيف من الأصدقاء المقربين وفرحنا اوي بايهاب وهبة ( وفرحنا فيهم بردو ) خصوصًا بأصابع زرقاء من جراء البصم على العقد..
ابارك لصاحب الجزيرة المنعزلة على تواجده في كتاب مشروع وطن
وابارك له مقدمًا على كتابه القادم قريبًا ان شاء الله

وطبعًا ابارك لأستاذه هبة المدونة العزيزة وزميلة ارض روايات التفاعلية ريم البراري المستحيلة..

وهذه وصلة الجزيرة المنعزلة بتاعة ايهاب عشان تباركوله يا ددعان
http://ihabomar.blogspot.com/

مبروك يا صاحبي

الف مبروك

السباحة عكس التيار

2008-05-16T21:31:00.001+03:00

افتكرت الموضوع قد يقتصر على قائدي الميكروباص بس

ولكن

حتى بتوع الملاكي بردو مقضينها عكس

هيا ليه البلد دي ماشيه عكس ؟

أي خدمات

2008-05-14T15:05:00.000+03:00

" انا همشي الوقتي عشان ميحسبش ساعه تانيه.. أي خدمات"
قالتها لي لأشعر بكل ذرة في كياني تهتز غضبًا, تنهار حزنًا, تلك الفتاة الرائعة التي احببتها بكل ما يمكن لشخص أن يحب, اجتاحت كل مشاعري وعواطفي, صارت عالمي وانهت صلتي بكل العوالم الأخرى, كنت أحب كل ما فيها, حتى ما قد يجده أخرون سخيف أو غير مناسب, أحب همساتها الرقيقة, كلماتها الحانية..
ثم حدث ما لم يكن بالحسبان, فشلت في تحقيق ما أرادت, فإنقلب حبها إلى كراهية وبغض, إلى غضب وحزن, إلى درجة من درجات الأسود
"لأ انا هقعد اصل (جـ) بيقولي استني"
صرخت بداخلي صرخة رهيبة, صرخة كادت أن تطيح بعقلي وأنا اشعر بكتل من الغضب والحزن تتكاتل على انفاسي لتكتمها, تسد شراييني وتكاد ان توقف قلبي, أهذه هي حبيبتي
تدرك اني اريد ان اكلمها في كل ثانية, احتاج ذلك, ولكنها تتجاهلني طوال وجودها لتكلم اصدقائها, وتتركني لأنها لا تريد أن تضيع وقتها, مع أنها تنتظر عندما يطلب منها ذلك صديق
بعدما بدأت كراهيتها تزول, أخبرتني بأن الإنفصال المؤقت هو الأفضل, فلنصبح أصدقائًا, تخيلت للحظات أن هذا سيكون سهلاً مع اصراري على النجاح فيما فشلت به في المرة الأولى, ولكني أدركت اي عذاب دخلته عندما صارت حياتي لهيب من شوقي إليك وغيرتي عليك واحتياجي لوجودك

انتِ موجودة وغير موجودة, احيانًا اشعر في صوتك انكِ تحتاجينني وأحيانًا لا ارى لحب كنت اعتقده عظيمًا اي اثر, فقط ارض جرداء قاحلة, فقط أطلال حبًا رهيبًا جمعنا لشهور ثم تركته يتحطم فحطم قلبي واعماقي
احتاجك ولكني لا اقدر على تجاهلك هذا, لا اقدر على معاملتك كصديقة, وياليتك حتى تعامليني كصديق, بل كشخص لا تعرفينه

اشكرك فقد كنتي اروع ما قابلته في حياتي
وكنتي احب من احببت
ولكني لا احتمل رؤيتك عالمًا انك لستِ لي
لا يمكنني احتمال فقدانك وانتِ امامي
لا يمكنني احتمال كلمات مثل "اي خدمات" يا حبيبتي
لا يمكنني

مكسوفة يا بيضا

2008-05-14T07:51:00.000+03:00

شكل حضرتك مكسوف

طيب ايه اللي مقعدك في وسط البنات

مش قادر تقف

مش قادر تقعد عالجمب

او تسند عالباب

وقال ايه

مش عاجبهم الشباب

The Best Games Ever ..!!

2007-10-10T19:05:00.000+02:00

The Best Games Ever !!

مواصلات - صور 1

2007-08-18T18:57:00.000+03:00

!! متفهمش بقى .. الشارع دا يمين .. شمال .. فوق .. تحت

تاجٌ .. لن يجعلني ملك

2007-06-19T04:04:00.000+03:00

أحب شخص لقلبك في الدنيا؟إنسان مستعد تضحي بحياتك - ركز فى كلمة حياتك - عشانه؟
مناصفة بين أمي.. وشخص آخر
إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
انا
ما هو:اسم أجمل كتاب كتبه بشر قرأته ومحتفظ به حتى الان؟
لم أجده بعد
اسم كتاب - كتبه بشر برضه - انت متعلق بيه وبتقرأه كل فترة؟
كيف تكسب الاصدقاء وتؤثر في الناس لديل كارنيجي
أهم جهاز منزلى أنت متعلق بيه أو بتستخدمه كتير؟
مفيش أكتر من الكمبيوتر
مكان تحس بالراحة عندما تدخله؟
الحرم النبوي الشريف بالمدينة المنورة
شيء تحس بالراحة النفسية عندما تنظر إليه؟
وجهها :)
مكان تحس فيه بالحنين الى شيء لا تدرى ماهو و ذكريات جارفة الى لاشيء؟
رأس البر والإسكندرية
اجمل مدينة زرتها داخل مصر ؟
الإسكندرية.. شتائًا
أجمل مكان طبيعي رأيته داخل مصر ؟
بحيرة قارون .. الفيوم
شخصية كارتونية بتحبها؟
مايكل أنجلو في سلاحف النينجا
نوع هاتفك المحمول؟
Nokia 7610
سرعة بروسيسور جهازك؟
2.4 جيجا

حجم ذاكرة -هارد- جهازك؟

هارد 80 جيجا + هارد 9 جيجا للتنقلات
المساحة التى تشغلها المواد الاسلامية على جهازك؟
2 جيجا
نفس المساحة السالف ذكرها فى قلبك -الإجابة لنفسك عشان الرياء يا اخواننا -؟
لو قلبي 80 جيجا .. يبقى .. 2 جيجا برضه
أهم هدف انت واضعه لحياتك الآن؟
أن أكون
مواصفات فتى \فتاة الأحلام بالنسبة لك؟
فتاة الأحلام .. سيشعر بها قلبي ويختارها قبل أن أشعر انا
صف ما يأتى:شعورك لما بتسمع كلمة مصر ؟
حب, كره, جمال, قبح, مكاني, مش مكاني
شعورك لما بتسمع كلام عن اليهود؟
إنتوا كل شوية ولا إيه
شعورك لما بتشوف ظابط شرطة؟
يا فتاح يا عليم يا رزاق يا كريم :S
شعورك لما بتشوف الكناس العجوز فى الطريق؟
هوا انا احسن منه في حاجه !! لأ
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟

شعور متعادل.. كما أرى البعض يلبس البدل والجينز
إحساس يراودك فى إشارة مرور مغلقة بسبب مسئول كبير؟
قشطه يا كبيييييييييييير

نشكر الأخت علياء ويزرينج على التاج التحفة .. "أشوف فيكي يوم يا لولو" ونلزقه في الصديقين أحمد محمد عبيد .. وأحمد وائل مع التحية

كلمات .. مجردة من المعاني

2007-06-09T15:28:00.000+03:00

الحب .. كقوقع* جميل نادر ..يتهادى مع الأمواج
لا يمكنك أن تبحث عنه وسط المياه .. وإلا فقدته
ولكنك ستجده عندما تجلس لاهثًا.. على شاطيء الحياة
ستجده عندما تفقد الأمل في إيجاد واحدًا
ستجده فجأة حينما لا تتوقع
يرقد بجوارك على الرمال بهدوء
لن تصدق عيناك حتى أنك لتوشك على تعتبره حلمًا وليس واقعًا
حتى أنك قد تتركه خوفًا من ألا يكون هو الشيء النادر الذي تبحث عنه
مع أن التصرف الأمثل هو أن تحتويه
لكنك ستتذكر جراح أصابتك من صدفة عادية
وستقع في دوامة بلا ماء
ستشعر بالدوار بلا دوران
سيتوجب عليك أن تقرر
فهل ستلقي بها إلى البحر ثانيةً
متمنيًا ألا تكون قد خسرت الكثير, وفي أعماقك تعرف أنك ستندم على ذلك طوال عمرك أم ستحاول أن تُنجح هذا الشيء
!!وأن تحافظ عليه

كلمات سمعتها منك يومًا

كلمات سطرتها كي لا أنساها

--------------------

مشوها قوقع معلش*

2007-06-06T14:49:00.000+03:00

بدايات

رحال انا بحكي حكايات
يا ما شفت في كتير منها نهايات و بدايات
عبرت جبال و شفت رمال في اعماقها تشيل بنايات
قابلت صحاري في غضبتها .. في قلبتها .. يشيب رجال
قابلت غابات في ضلمتها تتوه العين تشوف اهوال
يزيد الحزن في قلبي مع الايام .. موت الاحلام
يزيد مع كل دمعايه لها حكاية
يغرق كل لحظة فرح جوايا
و اشوف نهايات
و بعديها اشوف بدايات
و الاقي الفرح في قلبي
يجيني الحزن و يقولي دا قلبك مات
يرد الفرح في عيوني سعادة و روح
يموت الحزن يتحول . يقول هرجع من الاول
مع النهايات
يرد الفرح بشماته
يقول للحزن بسعادة
حاولت كتير تموتني و تدحرني .. تكسرني
لكني في كل ضحكايه
و بسمة تشوفها في مراية
بكون جواك .. تداريني و عن قلبه تخبيني
و تسحبني و ترميني .. بعيد عن عينه تنفيني
لكني بروح و برجعلك
اكسر برد اسوارك
و أقولك قلبه مش دارك
مع البدايات

NO.. Cairo Uni. students Said it..

2007-04-27T19:26:00.000+03:00

معلش .. إعذروا الكاميرا

الأولى NO

والتانية .. لأ

كلمة شباب جامعة القاهرة ..

عالـ .. المهزلة ..

مواصلات 1 ذكرى السلام

2007-04-26T07:54:00.000+02:00

أردت أن أفتتح المدونة بملف عن وسائل المواصلات في مصرنا الحبيبة والتي لن أتكلم عن مدى سوئها بقدر كلامي عن سوء إستعمالها

وأيضًا سأتطرق لممارسات شعبنا وبعض سلبياتنا العامة

أردت أن أفتتحها عن الباصات, التاكسيات, أو حتى القطارات
وحتى لحظات قبل أن أسطر تلك الكلمات كنت قد كتبت الموضوع في مسودّة صغيرة

لكن

ومن دقائق, وأنا أتصفح المدونات وأستمتع بساندوتش من العيار الثقيل.. وجدت ملف في مدونة صديقة تسمى حنان, عن كارثة العبارة المصرية..السلام 98

سنة أو أكثر مر على الحادث الرهيب..لكن

الملف.. صوتي, يحكي اللحظات الأخيرة للعبّارة

أتى من الصندوق الأسود

لم أتخيل للحظة أنه قد يحرك في شيء.. وأنا قد عاصرت تلك المشكلة وفقدت شخصان كنت أعرفهما معرفة سطحية في المملكة

لم أتخيل أن قلبي سينتفض وأنا أستمع لصيحات المساعد وهو يصيح "المركب بتغرق يا قطّان"

لم أتوقع دموعًا على أُناس نُسي خبر موتهم أصلًا..على ناس لا أعرفها

والدَم يغلي في عروقي وهو يصيح في القبطان أن العبارة تغرق والأخر لا يبدو في صوته أي خوف أو وجل.. مطمأن أنه سيذهب إلى قارب نجاة مخصص له, وليذهب كل شيء إلى الجحيم

إنتفض قلبي حرفيًا مع كلماته "المركب غرقت يا قطّان" "والناس" وأنا أتخيل أحد هؤلاء, من طاقم السفينة أو المسافرين.. قد أكون قابلته, او عرفته, أتذكر أكثر من أربع مرات من السفر على متن تلك العبارة ..وأخر مرة رأيتها قبل غرقها بإسبوعين

لن أتكلم كثيرًا فقط سأدعكم مع بعض أهم الصفحات التي حكت الواقعة

وبتلخيص أسرد ما يرفع حرارة دمي إلى الغليان

عندما يغرق 1300 شخص عشان إهمال..شخص
لما حريق يحصل وتكمل العبارة طريقها ) !! مع إمكانية الرجوع)
لما إسكتلندا هيا اللي تلتقط إشارات الإستغاثة..وبعدها تبعتهالنا
لما تروح أول سفينة إنقاذ بعد 12 ساعة
لما (ينفّض) قبطان سفينة قريبة للحوار ويكمل طريقة متناسيًا من يواجهوا الموت في قاع البحر
لما 3000 الاف شخص ينتظروا أخبار عن عائلاتهم.. وأدي وش الضيف..لمدة 3 أيام
لما أعيش وأموت مصري, ومعرفش مصر إيه, ليه, وإزاي

وكفاية كدا عشان بجد جبت أخري

نصيحة.. إذا كنت في موود كويس.. أو مكنتش شخص بيستحمل يُفضل إنك متسمعش اللينك دا

لينك المقطع الصوتي.. مأخوذًا من مدونة حنان طه
http://www.mddes.com/uploaded/2100_1154836304.zip

لينك مدونة حنان طه
http://www.hanantaha.blogspot.com/

لينك تقرير المنظمة المصرية لحقوق الإنسان عن غرق العبارة
http://www.eohr.org/ar/report/2006/re0219-1.shtml

ولذوي القلوب الضعيفة.. تفريغ لما قيل في هذا التسجيل قام به أحدهم في موقع دي في دي العرب
http://www.dvd4arab.com/showthread.php?t=302215

بي إس

- طبعًا دي مش كارثة السلام الوحيدة

بس عمومًا هديكم لينك لموضوع تاني بعد أقل من شهرين على كارثة السلام 98 وحصل فين .. في السودان.. على متن سلام !! أخرى..

لينك لموضوع يتعلق بمشكلة في سفينة تابعة لشركة السلام في جريدة الوطن السعودية

http://www.alwatan.com.sa/daily/2006-03-14/first_page/first_page02.htm

2007-04-21T00:33:00.000+02:00

مسرحية صديقي العزيز الفنان الشاب أحمد وائل عالم إفتراضي

ستعرض يوم 25 /4 على مسرح روابط

مبارك عليك يا أحمد , عقبال منشوفك ممثل كبير يا ولد

sKill to Kill

2007-04-17T17:42:00.000+02:00

sKill To Kill

If you are an Egyptian.. then You must have the sKill To Kill..
To kill Everything which is beautiful or promising..
If you are from Egypt,
then you must have the sKill to Kill your hope..
your dreams..
your smile..
and even your love..
....
If you are From Egypt..
then you must have the sKill To Kill by your careless work..
to kill enocent people..
to kill progress in any good thing..
to kill the future itself..
....
if you are from Egypt..
you must have the sKill to Kill yourself..
cause.. that's all what you can do..
after Killing everything else.. Good things only..
oh..
that's If you are from Egypt..

MGS