19.6.07

تاجٌ .. لن يجعلني ملك

أحب شخص لقلبك في الدنيا؟إنسان مستعد تضحي بحياتك - ركز فى كلمة حياتك - عشانه؟
مناصفة بين أمي.. وشخص آخر
إنسان كرهته لدرجة الجنون و تمنيت لو تمسك سكينة وتنقض عليه وتغرزها فى قلبه تقتله وتقف تبص لجثته وتشفي غليل قلبك؟
انا
ما هو:اسم أجمل كتاب كتبه بشر قرأته ومحتفظ به حتى الان؟
لم أجده بعد
اسم كتاب - كتبه بشر برضه - انت متعلق بيه وبتقرأه كل فترة؟
كيف تكسب الاصدقاء وتؤثر في الناس لديل كارنيجي
أهم جهاز منزلى أنت متعلق بيه أو بتستخدمه كتير؟
مفيش أكتر من الكمبيوتر
مكان تحس بالراحة عندما تدخله؟
الحرم النبوي الشريف بالمدينة المنورة
شيء تحس بالراحة النفسية عندما تنظر إليه؟
وجهها :)
مكان تحس فيه بالحنين الى شيء لا تدرى ماهو و ذكريات جارفة الى لاشيء؟
رأس البر والإسكندرية
اجمل مدينة زرتها داخل مصر ؟
الإسكندرية.. شتائًا
أجمل مكان طبيعي رأيته داخل مصر ؟
بحيرة قارون .. الفيوم
شخصية كارتونية بتحبها؟
مايكل أنجلو في سلاحف النينجا
نوع هاتفك المحمول؟
Nokia 7610

سرعة بروسيسور جهازك؟

2.4 جيجا
حجم ذاكرة -هارد- جهازك؟
هارد 80 جيجا + هارد 9 جيجا للتنقلات
المساحة التى تشغلها المواد الاسلامية على جهازك؟
2 جيجا
نفس المساحة السالف ذكرها فى قلبك -الإجابة لنفسك عشان الرياء يا اخواننا -؟
لو قلبي 80 جيجا .. يبقى .. 2 جيجا برضه
أهم هدف انت واضعه لحياتك الآن؟
أن أكون
مواصفات فتى \فتاة الأحلام بالنسبة لك؟
فتاة الأحلام .. سيشعر بها قلبي ويختارها قبل أن أشعر انا
صف ما يأتى:شعورك لما بتسمع كلمة مصر ؟
حب, كره, جمال, قبح, مكاني, مش مكاني
شعورك لما بتسمع كلام عن اليهود؟
إنتوا كل شوية ولا إيه
شعورك لما بتشوف ظابط شرطة؟
يا فتاح يا عليم يا رزاق يا كريم :S
شعورك لما بتشوف الكناس العجوز فى الطريق؟
هوا انا احسن منه في حاجه !! لأ
افكارك تجاه شاب ماشى فى الطريق يلبس جلابية بيضاء قصيرة وعمامة وله لحية وبجيبه السواك وبيده المصحف؟
شعور متعادل.. كما أرى البعض يلبس البدل والجينز
إحساس يراودك فى إشارة مرور مغلقة بسبب مسئول كبير؟
قشطه يا كبيييييييييييير

نشكر الأخت علياء ويزرينج على التاج التحفة .. "أشوف فيكي يوم يا لولو" ونلزقه في الصديقين أحمد محمد عبيد .. وأحمد وائل مع التحية

هناك 5 تعليقات:

غير معرف يقول...

مش هآخد التاج يا جميل عشان زعلتنى
ومكتبتش اسمى فى جرنان الاهرام
بس س سؤال
وجه مين بالظبط

عمرو عز الدين يقول...

إجابات ظريفة جدًا

عجبتنى إجابات كتير... و أتمنى إنى أشوةف حلولك على إجابات التاج الملزوق فيك يا بطل عندى

إنت متعرفش إنى فتحت مدونة ؟

يلا أديك عرفت

نياهاهاهاها


عمرو عز الدين

غير معرف يقول...

سلامات
بقى انا داخل بالصدفة الاقي تاج!!
المشكلة اني مش فاهم يعني اية تلزقلي التاج

ياريت كتالوج يا اخينا:D

ahmedwael يقول...

بتدبسني يا لكسلانس
اكسلانس علييك
بس اجاباتك معظمها ثابته و علي فكره انا عملتلك شبه تحليل نفسي من اجاباتك
ده بجد علي فكره

Mohamed Gameel يقول...

بقالي كتير اوي مدخلتش هنا
همممم
وائل باشا
حلل يا خويا حلل
هوا انتا يعني هتدفعني تمن المحلول

عبيد
دور عالكتالوج في اي مكان تاني يبني

عمرو باشا عز الدين باشا الباشا
خبيبي
يا عم مبروووك مع انها شبه متحنطه من التأخير

عم انونيموس
يا رب يخليك ليا يا رب
بس ليه بس كدا اشبهك واكتب عنك في الأهرام
يا راجل دانتا أكتر واحد بيكتب في البلوجات كلها
وجه مين !
هيكون وجه مين يعني
وجهها يا عم انتا .. وجهها